المقادير:
- 2 كأس سميد رقيق
- 1 كأس فرينة
- ماء
- ملح
طريقة التحضير:
نخلط السميد مع الفرينة و الملح حتى يتجانسوا ثم نضيف الماء على فترات مع مواصلة الخلط حتى تتكون عندنا عجينة قاسية
نقسم العجينة الى ثلاث كرات نغطيهم و نتركهم يرتاحوا لمدة نصف ساعة
نرش طاولة العمل بالفرنية نضع كره و نفتحها بالحلال بشكل طولي ثم نقسمها على اثنين
نفتح الجزء الاول على الرقم 5 في مكينة البقلاوة ثم نفتح الجزء الثاني على نفس الرقم
بعد فتحهم ندهنهم بالفرينة من الجهتين و نقسم كل جزء على اثنين
و نفتحهم في المكينة على الرقم 6 او 7 ثم ندهنهم بالفرينة من الجهتين
ثم نضعهم فوق منشفة مطبخ (طرشونة) و نتركه حتى يجف جيدا
نقوم بنفس الخطوات مع باقي كريات العجين
ثم نمررها في مكان تقطيع الرشتة في المكينة
نضع قدر ماء على النار يغلي لكي نفور فوقه الرشتة
نضع كمية قليلة من الرشته في كسكاس مدهون بالزيت و نضعه يفور فوق القدر لدة دقيقة او دقيقتين
نفتحها باليدين و هي ساخنة
